Developing the Lifestyle of a Pastor

Subject Outline:

1.     What is Lifestyle?

2.     Biblical Identity or Characteristic (Lifestyle) of a Pastor

3.     Maintaining Personal Life

4.     Maintaining Family Life

5.     Maintaining the Church and its Ministry

6.     You and Your Family with the Church

7.     Being Grateful to God

1.      What is Lifestyle? (Tongdal tamono hwn?)

Lifestyle is a style of living that reflects the attitude and values of a person. (Langmani Tongdal wngkha je kaisa tongmung abo chini tongkaham eba tongraida no sakao nukjakrwo eba koksarwo.)

-          Obo wngkha kaisa – Attitude (Tongmung)

-          Values/Quality (Tongkaham)

-          Self-image (Sak sinijakma eba sak mangpli)

-          Self-reflection (Sakno nukjakrwma)

-          Influence (Probabh khlaima eba phunukmari rwma)

2.      Biblical Identity or Characteristic (Lifestyle) of a Pastor

(Khoroksa pastor ni Baibel twi sinimung eba tongdalrok):

a.      Shepherd (Mwrwknai)

-          Khoroksa Kaitor ni chongjak Pastor bo Phunukmari mung bai sinijago. Omo wngkha kaisa phunukmari bumung. Pastor bo mera mwrwk ya tamokhe Kaitor ni borokrok no mwrwgo, aboni bagwi no bono Mwrwknai eba Shepherd hwnwi baibelo sinimung rwjago. (Lobmung 23:1; 80:1; Jeremiah 25:34-35; Johon 10:11,14; Hibru 13:20,  1 Pitor 2:25; 5:4)

Tabuk sai mandi nwng khoroksa pastor wngwi Kaitor ni aroni nini sinimung tamo. Nini sinimung wngkha nwng khoroksa mwrwk nai – Kaitor ni Bororok no Mwrwk nai. Hakhe nini mwrwkmung ni samung no ta helengrw di. Sai mandi nwng je rwktharmani a Jisu wng kha mwrwk nai (Johon 10: 11, 14). Hakhe nwng-bo Jisu hai mwrwk nai kaham wng na chaitok di.

b.      Servant (Seleng)

-          Greek kok bai servant eba seleng kok ni kainwi pherlaijak  buchimung tongo. Doulos tei Diakonos.

Doulos: ni buchima wngkha – Bondservant (pai ui najak seleng, bo tei bini sakni bagwi mungsa uansuk nani phan kwrwi. Bo langma tongsak seleng khatiui ma tongsi nai)

Diakonos: ni buchima wngkha – Hired servant – (Kisa jorani bagwi hajira rwi najak seleng. Bo khoroksa ni munimang wngwi tongna nangya.)

Seleng ni kok chwng elembago nugo: Yaphang 17:13,27.

Onesimus ni kokbo naidi nuknai Philimon 1:21. Omorok chwngno seleng ni kok no sai manrwo.

Tabuk nwng nini sakno amjogwi naidi nwng bu dalni seleng. Kaitor ni tei bini merarok ni seleng kaham wngnani abono chini naharmung.

c.       Steward ( Barja Gnang borok):

Luk 16:1-31  Oro Jisu khoroksa hamya steward ni rwngthoma samani kok poriui naidi.

Steward ni buchima wngkha –

-          Responsible Person

-          Manager

-          Accountability

3.      Maintaining Personal Life (Chini sak sak ni langmano tisanani tei chalok nani):

·        Chini langmano maintain khlaina nangma ni karon tamo?

-          To set an example before others (believers). (Buini bwsakango eba lukuni bwsakango chini sakno phunukmari gwnang borok khlai nani. (1Timothy 4:12)

·        Bobo area uo chwng chini sak sakni langma uo develop tei manage khlaina nang?

Pol Timothi no phwrwngmani mote (1 Timothi 4:12) chwng chini langmao kainwi area uo belai kaham khe kaichomwi amjokmani bisingtwi develop tei manage khlai na nang nai abo wngkha:

-          Public Life

-          Private Life

Public Life wngkha je chwng borok ni bwskango nukjak mani. 1 timothi 4:12 bwtang ni puila ni khagsa uo chwng mano – Kok samao, Tongmungo, tei Hamjakmao. O kaitham wngkha chini public life ni kok. Chwng bahaikhe kok sa, bahaikhe tong tei bahai khe buino hamjak eba buibai kwrwng abohrok bebak no luku bwskango nukjaknai langma. Omo chwng develop ma khlai nai.

Private Life – wngkha chini bising ni langma. Abono chwng kebono phunuk ya. Abo chini bisingo-no huijak. Phiya Kaitor ni thani o kainwi langma no nukjago. Chwng borok ni thani chini public langma hui manya wngma hai chwng chini private langmano Kaitor ni thani hui manya. 1 Timothi 4:12 ni paithak khago tamo sakha- Phola bai, Poito bai, tei Kwthar tongmung bai; o mungtham tongmung no twi tong nani Pol Timothi no phrwngo. Hakhe omobai chwng buchiui mano. O mungtham manwi wngkha chini private life ni kok.

O mungtham ni bisingo kwbango ang sana naimani khe kwthar tongmung. Oro Pol Timothi no kwthar khe tong nani phrwngo. A phrwngmung chini bagwi-bo.

Chwng sakao joratwi kaham khe tong nani uansugo phiya bisingo bwswk kwthar abo Kaitor sai mano. Sakao je chwng nukjak ma hai-no bisingo chwng wngwi de man? Abo wngkha belai kotor swngmung chini bagwi. Chwng bwswk chini public life no naikol aswk no chwng chini private life no naikolna nang nai. Muitu narwk di Public Life chwng borok no kiriui songchao phiya Private Life Kaitor no kiriui songchao.

Hakhe tabuk uansukdi nini langma bahai. Jora tongsa ni phaidi chwng chini langmano songchalai anw- chini Public Life tei chini Private hakhe Kaitor ni hamari chini sakao kwsaranw.

4.      Maintaining Family Life

·        What is Family? (Nukhung tamo?)

-          Small Heaven,

-          Learning & Growing Centre

-          Security (Protecting)

-          Channel of Blessing and Transformation

·        Spending Meaningful time with Family

·        Develop Healthy Atmosphere in the Family

-          Discipline/Good manner

-          Love, care, respect to one another

-          Open, transparent to one another

-          Prayer & Devotional Life

-          Teaching the Word of God, producing godly character in the lives of our children

-          Sharing biblical story and living testimony of godly people like Metropolitan.

·        Evaluating the Growth of the Family

-          Physical Growth

-          Spiritual Growth

-          Mental Growth

-          Social Growth

·        Maintaining Income & Expenditure

-          Balance your expenditure with your Income

-          Teach the children about Income – how the money come to your family etc.

-          Teach them to live with minimum expense

-          Teach them how to give

5.      Maintaining the Church and its Ministry

·        Carrying all the activities of the local church

-          Spiritual Activities

-          Ministry/Evangelism

-          Social Activities

·        Maintaining good atmosphere in the Church

·        Keeping good environment around the Church

6.      You and Your Family with the Church

Omo wngkha nwng tei nini nukhung mothani samungo bahai khe kwrwngwi tong a koknose swngo.

Kwbangma jora uo tamo wng hwnba, chwng simino Kaitor ni samung tangwi lengwi tongo phiya chini nukhung abono sai manya. Chwng buro thang, chwng tamo khlai chini hik-sa abono khel-no khlai ya. Tomung no abohai wngwi tong khe chwng chini ministry uo tolao kwlai thang nai.

Muitu narwk di ministry hamnani-bo chini nukhung ni chubachu nango.

O pointo ang mungsa swbai sana thang ya tamo khe kisa swngmung simise rwnai. O swngmungrok nini sak sakni langmano tei kiphilwi naithani eba amojogwi naithani chubauanw. Tabuk nwng sak o swngmungrok no swng di tei abohrok ni kokphil-bo nwng-no ma rwnai.

·        Nwng nini sakno tei mothano twi bahai uansuk?

·        Nini hik nono twi tei nini mothano twi bahai uansuk?

·        Nini cherairok nono twi tei nini samung no bahai uansuk?

·        Nini samung eba ministry ni bwkhak nini nukhung ni bororok ni tongmung eba attitude bahai?

·        Bohrok nono chuba naide eba kebeng naide?

·        Bohrok nini phan de eba durbol de?

·        Nini ministry uo nini nukhung nini chubama eba yapharma (Contribution) bwswk tong?

·        Bohrok nono tei nini mothano bwswk borom rw?

·        Nwng je samung khlaima bai tei nini motha bai bohrok khuchi de?

O swngmungrok ni kokphil tabuk-bo nini langmao tei nukhungo kwrwi kho hwnkhe abo belai dukhoni kok. Hakhe nwng tabuk tamo khlai man?

-          Kaitor ni thani Suri di

-          Hik-sa no Kaitor ni ko tei ministry ni kok sadi

-          Nini tongmung bai influence eba probabh khlai di.

-          Bohrok no nwng bai baksa mothani samungo kwrwng rwdi.

-          Nini bagwi surina sadi tei samung ni paithago nogo kiphilwi hik-sano hambai sadi. Sadi – nwng surima bai ang tini samung kaham-no khlai mankha- hambai. Omohai khe nwng nini hikno hambai rwkhe bo tei uaisa surina bagwi tiyar wng nai. Hakhe twrwk twrwk bo nini samung ni bagwi bwkha manwi thang nai.

-          Nukhungo suri phuru ministry ni kok sadi. Cherairok ni bwskango borokrok bahai khe Jisu ni kok khwnaya ui morke horo sogwi tong bai kha a kirimasingcha kok no sadi

-          Kaitor ni samung abo bwswk kotor samung a kokno sadi.

-          Nini samungo nwng bwswk tongthok tei nwng bwswk swrang abono nini nukhung ni borok no phunuk di.

-          Nwng nini samung no twi bahai uansuk abono nini nukhung ni borok-bo uansuk nai. Aboni bagwi-no nini nukhung ni borok no nwng tamo khlai tei tangwi khlai abono sai manrw di.

Omorok no karwi-bo nini bokhorogo je Kaitor giyan rwmani a giyan no samungo thepa di tei surimani bising twi nini nukhung no nwng bai baksa Kaitor ni samungo gwdal rwdi.

7.      Being Grateful to God 

Ministry uo tei kaisa jwngjal wngkha- je chwng man mani aro chini kha kochomya wngmani. Je phuru chwng sakno kha kochom ya hakhe bahaikhe chini nukhung aro kha kochom naiba.

Chwng je support man mani abo bai chwng nukhung chalogwi manya a kokto soi-no. Haiphano Kaitor chwng no je man mani eba je tongmani abo bai kha kochomwi tong nani dagio. Aboni bagwi chwng chini nukhung no a kokno ma phrwng nai.

Kulukya ni bisingo phano Kaitor je rwma ni abo bai tongthogwi Kaitor no hambai rwi tongwi man mani abo belai nangkukmani kokse.

Pol chwng no oro tamo phrwng kha naidi. Philipi 4:11,12;  1 Timothi. 6:8;  Hibru. 13:5,  

Hibru 13:5 – chwng no tei-bo kaham khe sai rwkha je Kaitor chwng no yakar ya eba khibiya. Bo je chwng no rwi tongmani abo-bai no chwng kha kochomwi tong nai abose chini poito.

Jeswk phano nukhungo kulukya wngwi kosto manwi tong thun chwng kaitor no hambai rwna nit a pokdi. Chwng je samung manwi tong mani abo chwng belai chukjak ni bagwi ya tamo khe Kaitor chwng no khairogwi chongwi nama baise chwng a sep kaham no manwi tongo hakhe tabuk chwng bahaikhe bono hambai rwya ui tongwi manai ba!

Tei chini Believers Church Motha no tei Metropolitan no-bo hambai rwna nit a pokdi. Uansuk di metropolitan bahai khe bini sak no yapharwi aswk ministry kotormano songcha kha. Abo bini rang kwbang tongmani bagwi ya. Phiya bini sak yapharwi surima ni bisingtwi se wngo. Bini langmao-bo bw kwbangma jora kosto manjak kha. Kulukya tong keseb ni bisingtwi lai ui phaikha. Haipha no Kaitor je bono rwmani abo bai bo kha kochomwi tong ma bai Kaitor bono hamari khlai kha.

Chwng kulukya no twi complain khlaima ni slai je Kaitor chwng no rwma bai chini nukhung no manage khlai nani ma swrwng nai tei nukhung ni borokno-bo ma phrwng nai. Complain khlaimani jaga chwng Kaitor no hambai se ma rwnai. Kisa phale Kaitor rwya khe ang burose mankhamu- abose ani tei nukhung ni buchima wng na nang nai.

Aswk swbai sajaknai ani tei kwrwi. Nwng sakno sai mano nini nukhung ni kok. Tabuk abono bahai khe manage khlainai Kaitor giyan rwma bai nwng samung khlai di. Tamo khe ani sajak nai omono – nwng je man ma bai eba nini nje tongma bai-no Kaitor no hambai rwnani tei nwng je motha bai samung khlai tongo a mothano hambai rwnani ta pokdi. Salbrum no Kaitor no hambai rwi surimang tong di hwnwi Pol sama hai-no ang nono sao.

Hambai class manjakmani bagwi. Kha khlaiyo nwng o class manwi tongthok jakhana hwnwi. Kaitor nono, nini ministry tei nini nukhung no tei-bo kotor hamari khlaithung. Amen. 

Rev. Fr. Anand Debbarma